Rrjetet shoqërore janë më të rrezikshme për meshkujt se sa për femrat, sipas një studimi me 1500 përdorues të internetit në Shtetet e Bashkuara të Amerikës dhe Britaninë e Madhe.

Ky studim tregon se meshkujt nuk e kanë problem që në profilet e tyre në Facebook të pranojnë kërkesat e njerëzve të panjohur (sidomos nëse fotot e profilit tregojnë femra të bukura), të deklarojnë vendndodhjen e tyre, të lënë profilin të hapur për të gjithë dhe nuk tregohen të kujdesshëm përsa i përket kushteve të sigurisë së profilit të tyre.

Në këtë mënyrë ata janë pre më e lehtë e krimeve kibernetike.

Studimi tregoi se 65% e femrave nuk pranojnë kurrë kërkesa miqësie nga njerëz të panjohur, ndërsa përqindja tek meshkujt zbret në 50%. Gjithashtu, 25% e meshkujve e lënë të hapur profilin e tyre në krahasim me vetëm 16% të femrave.

U vërejt se shumica e meshkujve pranon kërkesat e vajzave të bukura, ndërsa femrat hezitojnë kur i vjen një kërkesë miqësie nga një mashkull i pashëm.

George Petre, një nga personat që realizuan vëzhgimin, theksoi se kjo vjen nga fakti se shoqëria i mëson femrat të jenë të kujdesshme ndaj njerëzve të panjohur.